Një 55-vjeçar ka humbur jetën teksa punonte tokën me traktor. Sipas policisë, në një moment të devijimit të gabuar të mjetit bujqësor, traktori është përmbysur dhe e ka zënë poshtë.
Fatkeqësisht, 55-vjeçari ka humbur jetën menjëherë në vendin e ngjarjes. Ngjarja e rëndë ka ndodhur në Dushk të Lushnjes.
“Në datë 27.04.2023, në fshatin Dushk Sektor, Lushnjë, shtetasi A. B., 55 vjeç, duke punuar tokën me mjet zetor, mjeti është pëmbysur dhe e ka zënë poshtë shtetasin A. B., i cili për pasojë ka humbur jetën”-njofton policia.
Grupi hetimor po punon për zbardhjen e rrethanave të ngjarjes.
