Për një skuadër debutuese si Uellsi, ky Europian deri në këto momente ka qenë i mrekullueshëm. Të mërkurën uellsianët do të përballen me Portugalinë në gjysmëfinalen e parë të këtij kompeticioni dhe për trajnerin Chris Coleman fitorja me Belgjikën dhe entuziazmi që ajo solli duhet harruar, pasi tani është momenti për të menduar për Portugalinë dhe për Cristiano Ronaldon.
“Ne do ta përballojmë këtë sfidë në të njëjtën mënyrë sic kemi luajtur përgjatë gjithë këtij Europiani. Nuk besoj se e kemi luksin për të ndryshuar stilin tonë, sepse ne i dimë cilësitë tonë. I vetmi mesazh që unë mund t’i jap lojtarëve të mi përpara kësaj sfide është që të luajmë sic kemi bërë deri tani, pasi kjo mënyrë loje na ka sjellë deri këtu. Ne nuk ndryshojmë në varësi të kundërshtarit dhe as të ndonjë lojtari në vecanti sepse në jemi një skuadër. Ne duhet thjesht t’i tregojmë Portugalisë se në fushë jemi dhe ne dhe se dimë të luajmë futboll po aq mirë sa ata”.
Pra me pak fjalë, për Coleman nuk do të ketë një mbulim specifik për Cristiano Ronaldon.
“Nuk besoj se ka nevojë që ti t’i kujtosh lojtarëve të tu se në sulm për Portugalinë luan Cristiano Ronaldo, sepse ata e dinë se kush është ai. Nuk është se kam stërvitur skuadrën në një mënyrë specifike për të mbuluar Ronaldon, pasi nuk e kam bërë këtë as me Hazardin e Belgjikës. Këta janë ata tip lojtarësh që sado të përpiqesh t’i ndalësh në një moment mund të bëjnë dicka të jashtëzakonshme. Ndaj nuk besoj se duhet të përqëndrohemi vetëm te Ronaldo, ashtu si nuk besoj se loja e Portugalisë në mbrojtje do të bazohet vetëm te mbulimi i Bale. Të përqëndrohesh vetëm te një futbollist i vecantë për mua është gabim. Ne kemi një mënyrë tonën sesi mbrohemi. Kam lojtarë shumë cilësorë dhe besoj se ata e dinë mirë, cila është detyra e tyre”.
Pë Uellsin, gjysmëfinalja me Portugalinë do të jetë e para në histori ndërsa për portugezët kjo është hera e pestë që arrijnë deri në këtë fazë edhe pse asnjëherë nuk kanë mundur të fitojnë trofeun.
