Ish-deputetja e Kuvendit të Kosovës dhe Kryetarja e Lëvizjes Europiane të Serbëve të Kosovës, Rada Trajkoviç, tha se presidenti kosovar Hashim Thaçi dhe kryetari i Kuvendit të Kosovës, Kadri Veseli, janë marrë në pyetje nga Gjykata Speciale në lidhje me akuzat për krime lufte.
Në një intervistë për TV N1 Trajkoviç tha se mbi 40 persona janë thirrur në Hagë për të dëshmuar. Ajo vlerësoi si një akt “leksioni moral” veprimin e kryeministrit Haradinaj por theksoi gjithashtu se ai nuk është subjekt i rëndësishëm i këtij hetimi pasi sipas saj më shumë akuza ka mbi presidentin Hashim Thaçi.
Sipas saj, “për komunitetin serb më e rëndësishme është se kur do të fillojë procesi kundër të ashtuquajturit ‘Grupi i Drenicës’, i cili në raportin e Dick Marty dyshohet për rrëmbimin e serbëve dhe trafikimin e organeve”.
“Ne e dimë me siguri se Kadri Veselji ishte i ftuar” tha Trajkoviç duke shtuar se, “kam informacion nga burime ndërkombëtare se ai dha një deklaratë në Slloveni, por e fsheh atë nga publiku. Gjatë hetimit, Thaçi u intervistua në zyrën e tij në Prishtinë dhe dëshmia zgjati orë të tëra. Thuhet se ai doli tërësisht i hutuar nga akuzat dhe argumentet të cilat ai hasi gjatë marrjes në pyetje, dhe thuhet se ai është thirrur në Hage, por kjo është fshehur “, u shpreh Trajkoviç. /Opinion.al
