Të paktën 12 tifozë të ekipit të futbollit ekuadorian Barcelona SC kane vdekur dhe 30 të tjerë kanë mbetur të plagosur, pasi autobusi, me të cilin po udhëtonin u përmbys në rrugë.
Tifozët po ktheheshin nga një ndeshje futbolli që u luajt në Cuenca ku ekipi nga Guayaquil ishte përballur me Deportivo Cuenca.
Aksidenti ka ndodhur në rrugën që çon nga Cuenca në qytetin e Molleturos pak pas orës 16:00. Zyrtarët nga komisioni i transportit në Ekuador thanë se autobusi kishte të gjitha lejet e nevojshme dhe kishte kaluar një inspektim sigurie në shkurt.
Dëshmitarët okularë i thanë një kanali lokal që shoferi kishte tentuar të parakalonte një makinë tjetër pak para se aksidenti të ndodhte.
Nuk është ende e qartë se çfarë e shkaktoi aksidentin fatal.
Barcelona SC është një nga skuadrat më të njohura në vend me tifozë të pasionuar. Presidenti i ekipit, José Cevallos, tha në Tëitter se ai kishte marrë lajmin për aksidentin “me shumë dhimbje”.
Ai gjithashtu tha se një në stadiumin e ekipit do të nderoheshin ata që kishin vdekur.
Shoqata e futbollit e Ekuadorit si dhe klubet e futbollit në të gjithë Ekuadorin shprehën ngushëllimet e tyre për Barcelona SC.
