(Foto ilustruese)
Një ngjarje tragjike është regjistruar pasditen e sotme në Durrës, ku tre fëmijë të mitur kanë humbur jetën.
Policia raporton se “ngjarja ka ndodhur rreth orës 17:30 në Rromanat, ku në banesën private të shtetasit Gazmend Konçi ka rënë zjarr”.
Fatkeqësisht brenda në banesë kanë qenë vetëm 3 fëmijë të mitur, trinjakë të moshës 3 vjeç, të cilët kanë ndërruar jetë.
E ëma e viktimave ka dëshmuar se i kishte mbyllur fëmijët vetëm në shtëpi dhe është larguar për punë larg shtëpisë. Kur është kthyer ka parë shtëpinë në flakë.
“Ika shumë larg për në punë. I mbylla vetëm të tre të rrinin bashkë. Kur erdha flakët ishin në majë...”
Ende nuk dihet çfarë e ka shkaktuar zjarrin në banesë, por dyshimet e para të policisë lidhen me faktin se trenjakët mund të ketë qenë duke luajtur me shkrepëse dhe u kanë vënë flakën orendive.
Grupi hetimor po punon për zbardhjen e rrethanave të ngjarjes.
Foto: Trupat e djegur të tre fëmijëve të mitur në banesë
