Një tragjedi me shumë viktima ka ndodhur në qytetin Kismayo të Somalisë. Një grup terroristësh sulmuan një hotel duke lënë 26 të vdekur dhe 56 të tjerë të plagosur.
Sulmi, që nisi më 12 korrik, përfundoi në orët e para të 13 korrikut. Policia tha se një makinë e mbushur me eksplozivë ishte përplasur në ndërtesën e hotelit dhe më pas, një numër personash të armatosur kishin hyrë në ndërtesë.
Organizata terroriste al-Shabaab mori përgjegjësinë për sulmin.
Në mesin e viktimave është edhe gazetarja dhe aktivistja me shtetësi somaleze dhe kanadeze, Nodan Halayeh, e cila ka vdekur së bashku me burrin e saj. Mes viktimave të huaja kanë qenë tre shtetas kenian, tre nga Tanzania, dy amerikanë, një britanik dhe një kanadez.
Dy shtetas kinez raportohet se janë plagosur.
Ky është sulmi më i madh i al-Shabaab në Kismayo që prej se grupi terrorist humbi kontrollin e këtij qyteti më 2012.
Ekstremistët sunitë, që kanë lidhje me al-Kaidën, po luftojnë kundër Qeverisë somaleze që prej më shumë se një dekadë. /Opinion.al
