Një pjesëtar i një grupi kriminal të përfshirë në trafikimin e lëndëve narkotike nga Shqipëria drejt vendeve të Europës është ekstraduar nga Italia në Shqipëri.
Bashkëpunimi mes Interpol Tiranës dhe Interpol Romës, solli finalizimin me sukses të procedurës së ekstradimit të 39-vjeçarit me inicialet E. H., i shpallur më herët në kërkim ndërkombëtar.
Në prill 2025, Gjykata e Posaçme i caktoi 39-vjeçarit masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të një grupi të strukturuar kriminal.
Sipas hetimeve, gjatë vitit 2021, E. H. dyshohet se ka marrë pjesë në trafikun e sasive të konsiderueshme të lëndëve narkotike nga Shqipëria drejt disa shteteve të Europës, për llogari të grupit kriminal ku bënte pjesë.
