Një operacion i kryer në bashkëpunim, mes policisë së Durrësit dhe efektivëve të Komisariatit të Krujës ka çuar në pranga një të dënuar për disa vepra penale në Itali.
Flamur Korriku, 50 vjeç nga Tirana rezultonte në kërkim ndërkombëtar, si pasojë e një dënimi prej 6 vite e 3 muajsh burg nga drejtësia e fqinjit të përtej Adriatikut.
Ai është kapur në Fushë Krujë, ndërkohë që dënimi i është dhënë për veprat penale “organizatë kriminale”, “shfrytëzim prostitucioni”, “trafik femrash”, “krime kundër fëmijëve” dhe “falsifikim dokumentesh”.
Procedurat e mëtejshme për ekstradimin e tij do të ndiqen nga Prokuroria e Rrethit Gjyqësor të Krujës.
Njoftimi i policisë
Forcat Operacionale të D.V.P. Durrës në bashkëpunim me Efektivet e Komisariatit të Policisë Krujë ndalojnë një shtetas me qëllim ekstradimi drejt Italisë, i dënuar për disa vepra penale.
Është ndaluar shtetasi:
• F.K, 50 vjeç, banues në Tiranë.
F.K është kapur në Fushë – Krujë pasi ishte i shpallur në kërkim ndërkombëtar nga drejtësia Italiane, i dënuar me 6 vite e 3 muaj burg për veprat penale “Organizatë kriminale”,
” Shfrytëzim prostitucioni”,
” Trafik femrash”, “Krime kundër fëmijëve”dhe
” Fallsifikim dokumentash” parashikuar në legjislacionin penal italian.
Materialet i kaluan Prokurorisë së Rrethit Gjyqësor Krujë për veprime të mëtejshme.
