Armët e kapura në teminalin e autobusëve në Lundër do të shiteshin në vendin tonë nga 1500 deri 3000 euro.
Sipas policisë, 28-vjeçari Blerim Krasniqi vendosi çantën me 10 pistoleta, 10 krehra dhe sasi municioni luftarak në autobusin që drejtohej nga 25-vjeçari Edonis Thaçi.
Më pas, i riu në bashkëpunim me 20 vjeçarin Muhamed Krasniqi kanë ndjekur me automjetin e tyre, autobusin, gjatë gjithë itnerarit.
Gjatë operacionit, në vendparkimin e terminalit të autobusëve në Lundër, u kapën dhe arrestuan në flagrancë Blerim Krasniqi, Benjami Shala, Edonis Thaçi, Muhamed Krasniqi.
Nga verifikimet e kryera ka rezultuar se armët e zjarrit ishin trafikuar në Tiranë, me qëllim shitjen në vlerat 1500-3000 euro. Po nga verifikimet e kryera dyshohet se pronari i linjës së autobusëve, shtetasi E. Th., së bashku me shtetas të tjerë, ka trafikuar armë zjarri drejt Shqipërisë, në disa raste.
Në cilësinë e provës materiale u sekuestruan 10 armë zjarri pistoleta, me krehra dhe municion luftarak, 1 automjet dhe 5 celularë./Opinion.al
