Një person është vrarë dhe tre të tjerë janë plagosur, mesnatën e së mëkurës në një lokal në Runik të Skenderajt në Kosovë.
Policia e Kosovës ka bërë me dije se viktima është identifikuar si shtetasi N.L 39 vjeç, ndërsa tre të plagosurit janë dërguar për trajtim në spital.
“Nga hetimet e para dhe këqyrja e vendit të ngjarjes, dyshohet se dy persona të dyshuar e të maskuar kanë hyrë brenda në kafiteri kanë shtënë me armë dhe janë larguar në drejtim të panjohur. Në cilësi të provave materiale në vendin e ngjarjes janë gjetur dhe konfiskuar disa gëzhoja”, tha policia.
“Gjitha veprimet e ndërmarra policore, janë udhëhequr nga prokurori i rastit i cili ka dalë në vend të ngjarjes ndërsa i njëjti ka autorizuar që trupi i pajetë i viktimës të dërgohet në Institutin e Mjekësisë Ligjore”, theksuan më tej autoritetet kosovare.
