Të shtëna me armë zjarri janë regjistruar mbrëmjen e sotme në Tiranë, ku një i mitur ka mbetur i plagosur.
Policia bën me dije se 15-vjeçari është paraqitur i plagosur në spitalin e Traumës rreth orës 20:30.
Rrethanat e ngjarjes ende janë të paqarta, por shërbimet e Policisë po punojnë për sqarimin e rastit.
Njoftimi i policisë:
Tiranë/Informacion paraprak
Më datë 30.01.2025, rreth orës 20:30, është paraqitur në spitalin e Traumës një i mitur 15 vjeç, i cili dyshohet se është dëmtuar me armë zjarri, në rrethana ende të paqarta, në Fushë-Mëzez. I mituri ndodhet nën kujdesin e mjekëve.
Shërbimet e Policisë së bashku me grupin hetimor po punojnë për sqarimin e rrethanave dhe dokumentimin ligjor të rastit.
