Pasditen e sotme, në orën 18.00, do të zhvillohet ceremonia homazh për viktimat që humbën jetën në ngjarjen e 13 Nëntorit në Paris. Këto homazhe do të mbahen përpara Institucionit të Presidentit të Republikës, në Tiranë.
Për këtë qëllim Drejtoria e Policisë së Tiranës njofton se orën 17:00, do të ndalohet lëvizja e mjeteve nga “Ura e Dajtit” , dhe “Libri Universitar” në drejtim te sheshit ” Nënë Tereza”. Gjithashtu nuk do të lejohet parkimi i mjeteve në segmentin, bulevardi “Dëshmorët e Kombit”, përballë Institucionit të Presidentit te Republikes (nga Hotel Sheratoni, Sheshi “Nënë Tereza” deri tek kryqëzimi me Hotel “Rognerin”).
Qeveria shqiptare e ka shpallur 16 nëntorin ditë zie kombëtare, në nderim të viktimave të sulmeve terroriste, që humben jeten mbrëmjen e së premtes në Paris.
