Një 24-vjeçar është gjetur i pajetë në mjetin e tij në Tiranë. Ngjarja ka ndodhur ditën e djeshme në rrugën “Muhamet Gjollesha”.
Policia bën me dije se humbja e jetës ka ardhur si pasojë e një ataku kardiak.
“Më datë 11.11.2021, në rrugën “Muhamet Gjollesha”, është gjetur i pajetë, pa shenja dhune, në mjetin e tij, shtetasi J. C, 24 vjeç. Nga veprimet e kryera dyshohet se humbja e jetës ka ardhur si pasojë e një ataku kardiak.
Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale”, njofton policia.
