Një ngjarje e rëndë ka ndodhur, mbrëmjen e sotme, 23 dhjetor, në Tiranë, ku ish-dhëndri ka plagosur me thikë tre pjesëtarë të një familje.
Sipas policisë, ngjarja ka ndodhur në zonën e Unazës së Re në kryeqytet.
Autori i krimit, i identifikuar si shtetasi Marjan Levanti ka marrë thikën duke lënë të plagosur ish-vjehrrin dhe më pas ish-kunatin, në përleshje e sipër, mësohet të jetë lënduar dhe ish-vjehrra.
Nga hetimet paraprake të policisë, shkak i kësaj ngjarje, është bërë divorci i Marjan Levantit me ish-bashkëshorten e tij.
Në vendngjarje kanë shkuar forcat e komisariatit Nr.6, ndërsa paraprakisht bëhet me dije se të plagosurit janë transportuar në spital.
Policia është vënë në ndjekje të autorit, i cili pas aktit të rëndë është larguar menjëherë nga vendngjarja.
