Tirana e djeshme dhe e ditës së sotme vazhdon të vuajë mungesën e ujit të pijshëm. Lagjje të tëra kanë mbetur pa ujë dhe natyrshëm kjo situatë ka ngjallur reagimin dhe indinjatën e qindra qytetarëve të cilët edhe pse nuk kanë dalë në shesh aty ku në mënyrë demokratike duhet të protestojnë për një nevojë kaq jetike, kanë gjetur rrjetin social facebook për të shprehur të gjithë mllefin dhe ironinë e tyre ndaj atyre që sot janë përgjegjësit kryesorë të kësaj situate. Por çfarë shkruajnë njerëz të thjeshtë, gazetarë por dhe politikbërës, të cilët i bashkon kauza e njëjtë mungesa e ujit? Opinion.al ka mbledhur një pjesë të mire të postimeve që qytetarët tiranas të facebokut kanë hedhur në faqet e tyre, me qëllimin që këto postime të shikohen edhe nga ata që kanë marrë përsipër përgjegjësinë që qytetarët të furnizohen rregullisht me ujë.
