Pak ditë më parë në media qarkulloi lajmi se kënga shumë e famshme ‘In my feelings’, e Drake i është dedikuar Kim Kardashian.
Gjithë rrjeti filloi të diskutonte se reperi Drake dhe Kim kanë pasur një lidhje dhe se madje kanë kryer edhe marrëdhënie intime bashkë.
Mirëpo së fundmi bashkëshorti i Kim, reperi Kanye West ka reaguar nëpërmjet disa videove të cilat janë publikuar në profilin e tij në Instagram, ku i drejtohet Drake duke i kërkuar llogari.
“Fakti që njerëzit janë duke bërë thashetheme apo duke menduar se ke bërë seks me gruan time dhe ti nuk thua asgjë dhe e le me aq. Kjo nuk qëndron mirë.
Ti e di, nëse do kisha të dashur nga Chicago dhe do quhej Renita dhe ti do të martoheshe me Rihannën, unë nuk do bëja këngë e ta titulloja ‘Riri’.
Kështu që nuk ke përse të thuash se nuk e di se si ndodhi sepse je shumë i zgjuar për këtë.
Ne jemi një familje, jemi të dashuruar, mos u ngatërro me ne”, shtoi 41-vjecari.
West pretendon se Drake është i vetëdijshëm se ai po i hedh benzinë zjarrit dhe gjithçka është e sajuar dhe kurrë nuk ka ndodhur.
