Këtë të mërkurë ish-kryeministri Sali Berisha ka zhvilluar konferencën e radhës për mediat, nga ku vijoi akuzat ndaj kryeministrit Edi Rama.
Teksa ndërkombëtarët kërkojnë dialogë mes palvë politike, Berisha deklaron se opozita kërkon vetëm zbatimin e kushtetutës.
Po ashtu, Berisha tha se mazhoranca nuk duhet të përfshihet në vendimmarrjet për opozitës për caktimin e përfaqësuesve të saj në parlament apo komisione.
“Ju e patë një reaksion i jashtëzakonshëm ishte. E patë se si ai tym shumëngjyrësh u shndërrua në një ylber, në një dritë të vërtetë botërore, për të vërtetën e opozitës dhe në një blozë për Ramën dhe Lindën e tij në Parlament. Ju e patë vetë, edhe sot mediat botërore hapen me këtë lajm. E pakonceptueshme që të mohosh në të drejtë kushtetuese deputetëve. Çfarë negociatash të zbatohen? Po kërkojmë gjë ekstra? Vetëm kushtetutën! Ne kërkojmë normalizim të jetës parlamentare, nuk ka nevojë për negociata, por të shpallet vendimi që opozita nuk mund t’i preket përfaqësuesi që përcakton.”, tha ai.
