Kryeministri Edi Rama ka ndërprerë fjalimin që po mbante në ceremoninë e nisjes së punimeve për Teatrin e ri Kombëtar teksa po thirrej Ezani në xhaminë e Tiranës.
“Kush nuk do të donte… ta pranojmë këtë bekim tani. Në këtë rast vjen për mirë, nuk e di sa e ndihmon shfaqjen”, tha Rama.
Gjatë fjalimit kreu i qeverisë theksoi se “ky projekt shkon përtej një teatri të mirë për Shqipërinë”.
Rama bëri një paralelizim mes teatrit dhe stadiumit “Air Albania”, teksa tha se nuk do të jetë vetëm destinacion për dashamirësit e teatrit, por një vend ku do të organizohen edhe aktivitete ndërkombëtare.
