Ylli suedez Zlatan Ibrahimovic dhe kapiteni i PSG Thiago Silva kanë që prej verës së 2010 që luajnë tek i njëjti ekip.
Në fillim dy vitet e kaluara te Milan, përpara se të transferohej për 63 milionë euro te PSG.
Gjashtë vite pra, në të cilët me siguri që do të ketë përjetuar shumë momente të bukura me Zlatan. Por historia më e çmendur është ajo që ka rrëfyer për Sky Sport News HD.
Gjatë kohës kur ishin te Milan, një ditë Ibra dhe Gatusso filluan të ngacmoheshin pas stërvitjes dhe papritur i janë vërsulur njëritjetrit, tregon Silva.
Në atë moment, lojtari 196 cm i gjatë e ka kapur shokun e tij 20 cm më të shkurtër e ka ngritur lart, dhe kokë poshtë e ka hedhur në koshin e plehrave.
Situata u bë akoma më qesharake teksa Gatusso lëvizte këmbët në ajër nga pamundësia për të dalë nga koshi. Ky veprim e ka inatosur shumë ishmesfushorin e Milan, pasi të gjithë lojtarët nuk pushonin së qeshuri për javë të tëra, sipas Silvas.
