Dy persona kanë humbur jetën dhe dy të tjerë janë plagosur për pasojë të një aksidenti tragjik të ndodhur të mërkurën pasdite në vendin e quajtur “Lapidari”, në Komsi të Matit.
Mësohet se në aksident janë përfshirë një automjet i tipit ‘Volksëagen Sharon’ dhe një motoçikletë.
Burimet paraprake nga policia thanë se shetasi me inicialet A.B, rreth 35-vjeç, banues në Komsi, ka humbur jetën gjatë rrugës për në spitalin e Traumës në Tiranë; E.H, rreth 18-vjeç, banues në Komsi, po transportohet për në Tiranë, si dhe shtetasi G,H, rreth 29-vjeç, ka humbur jetën në vend si pasojë e aksidentit.
Drejtuesi i automjetit pasi ka shkaktuar aksidentin është larguar nga vendi i ngjarjes. Policia Rrugore dhe Patrullat e Përgjithshme po punojnë për ndalimin e drejtuesit të automjetit. Grupi hetimor po vijon hetimet për zbardhjen e plotë të shkaqeve të aksidentit.
