Një marrëveshje paqeje midis Kievit dhe Moskës është duke u hartuar nga avokatët e të dyja palëve, por e gjitha varet se kur Kremlini do të pranojë armëpushimin, ka thënë ministri i mbrojtjes i Ukrainës.
Sipas “The Guardian”, Oleksii Reznikov, i cili ka udhëhequr delegacionin ukrainas në negociata, tha se puna teknike po përparonte, por Rusia duhet të ndërpriste menjëherë bombardimet që kompromisi të arrihet.
Duke folur përmes video-skype me eurodeputetët në komitetin e punëve të jashtme dhe nënkomitetin e sigurisë dhe mbrojtjes, Reznikov tha se liderët ndërkombëtarë, si kryeministri izraelit, Naftali Bennett, po përpiqeshin të ndërmjetësonin, por dukej se Rusia do të duhej të detyrohej për negociata reale.
Ai tha: Natyrisht, para së gjithash gjatë negociatave do të flasim për një armëpushim, për korridoret humanitare, për sigurimin e popullatës civile me evakuim, me ujë, me ushqim dhe ndoshta më vonë do ta nënshkruajmë këtë marrëveshje për paqe./Opinion.al
