Fotografia e një burri të moshuar me një tharëse flokësh në dorë duke u shtirur si polic rrugorë janë duke bërë xhiron e botës.
Edhe pse në pamje të parë duket qesharake, Ulf Schëerin 74-vjeç nga Suedia ndihej i lodhur nga makinat të cilët udhëtonin me 80 km/h nga 30km/h që duhej.
Sipas tij, sinjalistika e vendit nuk është shumë efektive dhe nuk i tremb aspak shoferët të respektojnë kufirin prej 30 km / orë. Kështu, pasi ishte ankuar disa herë pranë komunës dhe autoriteteve pa marrë përgjigje, ai vendosi të bënte diçka për të ndryshuar situatën.
Mësohet nga mediat e huaja se 74-vjeçari u frymëzua nga një postim që hasi rastësisht në rrjetet sociale. Në postimin në fjalë, një grua, pasi vajza e saj u përplas, u maskua si polic i trafikut, duke drejtuar një tharëse flokësh drejt shoferëve. Kështu ai bëri të njëjtën gjë, veshi një jelek të verdhë, një kapele dielli, mori tharësen e flokëve të gruas së tij dhe doli në rrugë.
U pozicionua në buzë të rrugës dhe filloi të shënjestronte çdo shofer që kalonte me tharëse flokësh. Për rreth një orë e gjysmë ai frikësoi çdo shofer, të cilët ngatërruan Ulfin me një polic trafiku.
Sipas tij, shumë kanë filluar të ngadalësojnë apo edhe të frenojnë, në mënyrë që të mos marrin gjobë nga “polici” 74-vjeçar me tharëse flokësh në dorë./Opinion.al
