Laçi ka mposhtur Teutën në Kurbin me rezultatin 1-0. Ka qenë sërish Mentor Mazrekaj autori i golit, i katërti sezonal me bardhezinjtë.
Sulmuesi dardan përfitoi nga një gafë e mbrojtjes durrsake në minutën e 35-të dhe nuk e pati të vështirë të shënojë.
Vendasit patën një shans të artë për të mbyllur takimin në minutën e 73-të. Ekzekutimin e mori përsipër Kyrian Nwabueze, por Stivi Frashëri ia doli të presë goditjen e bomberit të Laçit.
Kurbinasit i menaxhuan mirë minutat e mbetura dhe morën tre pikët, duke barazuan Teutën dhe Partizanin përkohësisht në vend të dytë të renditjes./ Opinion.al
