Koronavirusi ka gjunjëzuar botën, duke shkaktuar mijëra viktima dhe pasoja të rënda në ekonomi.
Por, koronavirusi po zbulon të metat politike në sistemin ndërkombëtar dhe së fundmi ka ngjallur dhe një debat për diskriminim racial.
Më herët mjekët francezë propozuan që testimi i vaksinave kundër koronavirusit të zhvillohej në Afrikë. Kjo gjë ka ngjallur regime të ashpra të shumë personave me influencë në botë.
Lidhur më këtë çështje kanë reaguar së fundmi dy legjenda si Samuel Eto’o dhe Didier Drogba.
Ish-yjet e futbollit iu bashkuan zërave kundër, duke mos i kursyer tonet e ashpra. Sipas Samuel Eto’o, “Afrika nuk është parku i lojrave ku të gjithë mund të eksperimentojnë”. Komenti i tij u bë në statusin e publikuar nga Demba Ba, sipas të cilit “Perëndimi dhe njerëzit e bardhë mendojnë se janë superiorë” dhe “është koha për t’u rebeluar”.
Ndërkohë, sipas Drogba, ideja e hedhur “është absolutisht e pakonceptueshme” dhe “afrikanët nuk mund të trajtohen si kavje laboratori”./ Opinion.al
