Një grua është vrarë dhe pesë të tjerë janë plagosur gjatë një sulmi me thikë në qendër të Londrës, sulm ky që sipas policisë mund të ketë lidhje me terrorizëm.
Një 19-vjeçar është arrestuar në vendin e ngjarjes pak para mesnatës, në “Russell Square” në zemër të qytetit.
“Terrorizmi është një nga fushat që hetojmë” ka thënë policia e Londrës. Megjithatë në një deklaratë të dytë policia tha se edhe problemet mendore mund të jenë shkaku që sollën sulmin.
Por sërish nuk e kanë përjashtuar terrorizmin. Në vendin e ngjarjes janë dërguar njësi të shumta policie, zonë kjo ku gjendet Muzeu Britanik dhe Universiteti i Londrës./tvklan.al
