Një agresor ka vrarë me thikë një person dhe ka plagosur dy të tjerë në një rrugë të Parisit. Policia tha se ka qëlluar mbi agresorin, pasi ai bertiste “Allahu Akbar” (“Zoti është më i madhi” në arabisht). Incidenti ndodhi në periferinë e Trappes, pranë Versajës.
Televizioni francez BFM raportoi se autori i sulmit ishte strehuar në një shtëpi para se të qëllohej nga policia.
Një burim policor tha se shkaqet e sulmit dhe profili i autorit janë nën hetim.
Trappes është një rrethinë relativisht e varfër e vendosur në perëndim të Parisit.
