Pak ditë më parë disa nga zonat e Korçës u goditën nga tërmeti duke lënë pas disa banesa të shkatërruara.
Ndërkohë, kryeministri Edi Rama ka mbledhur këtë të premte në Kryeministri krerët e disa prej bashkive kryesore që drejtohen nga PS, ku ka kërkuar që të kontribuojnë për ndërtimin e banesave të cilat u shkatërruan nga tërmeti.
Kreu i qeverisë ka kërkuar që secila bashki të marrë përsipër rindërtimin e një shtëpie. Shuma minimale që bashkitë mund të derdhin në fondin e solidaritetit është 2.5 milionë lekë, por bashkitë e mëdha mund të ofrojnë dhe më shumë.
Po ashtu, pjesë e fondit të PS për fushatën elektorale në njësinë 10 do të shkojë për ndërtimin e banesave në zonat që u prekën nga tërmeti në Korçë./Opinion.al E.Xh.
