Është dhënë sot masa e sigurisë për 31 personat e arrestuar në Tiranë për dëmet e shkaktuara nga tërmeti i 26 nëntorit.
Gjykata e Tiranës, pasi dëgjoi ditën e djeshme për rreth 7 orë pretendimet e të ndaluarve dhe të prokurorisë vendosi që të lërë në burg 7 nga të ndaluarit dhe të lirojë të tjerët me masa më të lehta.
Mes personave që u lanë në burg janë edhe ish-kryekomunari i Farkës, Fatbardh Plaku dhe ai i Kasharit, Besnik Fuçia.
Gjykata vendosi masën e sigurisë “arrest shtëpie” për 12 nga të ndaluarit ndërsa 11 të tjerët i la me “detyrim paraqitje”.
Në seancën e djeshme organi i akuzës kërkoi “arrest në burg” për 13 nga të arrestuarit dhe për pjesën tjetër të të ndaluarve masën “arrest shtëpie” dhe “detyrim paraqitje”.
Arrest me Burg: Hodo Gjoni, Artur Skela, Fejzi Dyrmishi, Besnik Fucia, ish-kryekomunari i Kasharit, Naim Shehi, Gezim Shkalla, Fatbardh Plaku, ish-kryekomunari i Farkës.
Detyrim paraqitje: Anila Harxhi, Reis Muca, Merita Kushe, Hekri Disha, Bukurie Halili, Adhurim Qehajaj, Stela Maze, Zhaneta Tagani, Shpëtim Kërçiku, Jan Ikonomi, Ermir Cina,
Arrest shtëpie: Faik Fejza, Ndoc Pepkolaj, Mehmet Felahi, Agim Eski, Pëllumb Korfuzi, Qiriako Gjergo, Asqeri Xhanari, Vjollca Hoxholli, Ali Dyrmishi, (aktualisht në spital me probleme shëndetësore), Shefqet Doda, Gerti Qalliku, Luan Beta. /Opinion.al
