Një tërmet me magnitudë 5.3 ballë të shkallës Rihter ka goditur mbrëmjen e djeshme, Turqinë jugperëndimore pranë qyteteve Malatya dhe Gaziantep.
Një numër i madh banorësh të Malatyas nga paniku janë hedhur nga dritaret nga frika se shtëpitë e tyre mund të shemben si pasojë e lëkundjeve.
Të paktën 23 persona u plagosën nga tërmeti që goditi provincën Malatya në Turqinë lindore.
“Në tërmetin me magnitudë 5.3 balla në Yeşilyurt, Malatya: 23 qytetarë, përfshirë 22 në Malatya dhe 1 në Adiyaman, u plagosën si pasojë e rënies ose hedhjes nga lart. Gjithsej 21 ambulanca dhe 7 ekipe të Shërbimit Mjekësor u vendosën në rajonin e prekur nga tërmeti, duke përfshirë 14 ambulanca dhe 3 ekipe nga Malatya, 3 ekipe nga Adıyaman, 2 ambulanca dhe 1 ekip nga Kahramanmaraş dhe 5 ambulanca nga Diyarbakır. Trajtimi i pacientëve po vazhdon. I uroj shërim të shpejtë”, ka shkruar ministri turk i Shëndetësisë Fahrettin Koca në rrjetin social X, i njohur më parë si Twitter.
Epiqendra e tërmetit ndodhej 11 km në jugperëndim nga qyteti i Malatya, ku jetojnë 441,000 njerëz, në një thellësi prej 11 kilometrash./Opinion.al
