Tentativa e katër të rinjve shqiptarë për të grabitur një shtëpi në Itali nuk shkoi siç e kishin planifikuar dhe për pasojë njëri prej tyre mbeti i plagosur rëndë.
16-vjeçari shqiptar u plagos nga djali i pronarit të banesës ku tentoi të vidhte, i quajtur Andrea Pulone.
“Hajdutët hynë në shtëpinë time, më duhej t’i qëlloja, por unë nuk mendoj se i kam vrarë”, i tha policisë 29-vjeçari Pulone, një emër shumë i njohur në Monterotondo pasi drejton një restorant prestigjoz dhe është pjesë e një shoqate të rëndësishme në qytet.
I ati i Andrea Pulone, një astrofizikant i njohur dhe e ëma, një kandidate për këshillin bashkiak me koalicionin e qendrës, kishin udhëtuar drejt Portugalisë, dhe si duket grupi i hajdutëve ka menduar se në shtëpi nuk kishte njeri. Ata hynë nga një derë anësore në oborr, hoqën grilën mbrojtëse dhe hynë në banesë, ku më pas u përballën me Andrean, i cili tentoi ti trembte por sipas tij plagosi gabimisht njërin prej tyre.
Policia po identifikon për zbulimin e identiteve të personave të përfshirë në ngjarje, ndërsa raporton se 16-vjeçari shqiptar është jashtë rrezikut për jetën./Opinion.al
