Një 33-vjeçar është arrestuar në pikën kufitare të Morinit pasi ka tentuar që të trafikojë lëndë narkotike, ekstazi, drejt vendit tonë.
Efektivët e Policisë Kufitare Morinë kanë kaluar në vijë të dytë, për kontroll më të imtësishëm, një taksi.
Gjatë kontrollit të ushtruar, në taksinë në të cilën udhëtonte si pasagjer shtetasi A. B., shërbimet e Policisë gjetën dhe sekuestruan 4 pako me lëndë të dyshuar narkotike ekstazi.
Në përfundim të veprimeve hetimore, 33-vjeçari me iniciale A. B., banues në Zyrih, u arrestua për veprën penale “Trafikimi i narkotikëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
