Një 39-vjeçar është arrestuar në Pukë, pasi ka tentuar të përdhunojë një grua 43-vjeçe.
Në një njoftim për mediat policia bën me dije se ka rënë në pranga E.U., banues në Pukë. Ai akuzohet për veprën penale “Marrëdhënie seksuale me dhunë me të rritura”mbetur në tentativë.
“Nga specialistët e Seksionit për Hetimin e Krimit në Komisariatin e Policisë Pukë u bë arrestimi në flagrancë për veprën penale “Marrëdhënie seksuale me dhunë me të rritura” mbetur në tentativë, i shtetasit E. U., 39 vjeç, banues në Pukë, pasi ka tentuar të kryejë marrëdhënie seksuale me dhunë, me një shtetase 43 vjeçe”, thotë policia.
Materialet u referuan në Prokurorinë pranë Gjykatës së Shkallës së Parë Pukë.
