Policia ka arrestuar një 64-vjeçar pasi tentoi të kalonte lëndë narkotike në Pikën Kufitare të Kapshticës.
Sipas policisë, i arrestuari kishte fshehur një sasi kanabisi prej 9.2 kg në dy goma rezervë në bagazhin e tij. Personi i arrestuar është identifikuar me inicialet S. Ç., 64 vjeç, banues në Korçë.
“Shërbimet e Policisë Kufitare, në dalje të Republikës së Shqipërisë, kanë përzgjedhur për kontroll të imtësishëm në vijë të dytë, automjetin tip “Benz” me drejtues shtetasin e mësipërm. Si rezultat i kontrollit të ushtruar në automjet, përfshi edhe procesin e skanimit, në bagazhin e tij, në dy goma rezervë, iu gjetën dhe sekuestruan në cilësinë e provës materiale 16 pako, me peshë 9.2 kg, lëndë e dyshuar narkotike cannabis sativa”,- njofton policia
Materialet i kaluan Prokurorisë pranë Gjykatës së Shkallës së Parë Korçë, për veprën penale “Trafikimi i narkotikëve”, mbetur në tentativë.
