Një 36-vjeçar është përpjekur të kalojë një sasi të konsiderueshme parash në Greqi në mënyrë të jashtëligjshme. Sipas policisë 36-vjeçari me iniciale S.S është ndaluar në pikën kufitare të Kakavijës, ndërkohë që kishte me vete shumën prej 34.750 mijë euro, të cilat nuk i kishte deklaruar tek autoritetet doganore.
Ai i kishte fshehur paratë në një çastë në brendësi të automjetit që po drejtonte duke bërë që 36-vjeçari të përfundonte në pranga.
Njoftimi i policisë:
Policia Kufitare, në bashkëpunim me Strukturat Doganore Antitrafik, parandalon dhe godet një tjetër rast të tentativës për transfertë të parave në mënyrë të kundërligjshme.
Sekuestrohen 34.750 euro, procedohet penalisht poseduesi. Në vijim të zbatimit të masave të shtuara për luftën ndaj krimeve ndërkufitare, si rezultat i kontrolleve të shtuara, Policia Kufitare e Kakavijës, në bashkëpunim edhe me Strukturat Doganore Antitrafik, gjatë kontrollit në dalje të Republikës së Shqipërisë, në një automjet që drejtohej nga shtetasi S. S., 36 vjeç, banues në Berat, gjeti të fshehura në një çantë një shumë prej 34.750 eurosh të cilat ky shtetas tentoi t’i kalonte në Greqi pa i deklaruar para autoriteteve doganore.
Në vendngjarje kanë mbritur specialistët për Hetimin e Krimit Ekonomik e Financiar në DVP Gjirokastër, të cilët kanë bërë sekuestrimin e shumës së eurorve në cilësinë e provës materiale dhe në përfundim të veprimeve kanë proceduar penalisht shtetasin S. S., për veprën penale “Mosdeklarim i të hollave dhe sendeve me vlerë në kufi”./Opinion.al/
