Tentoi të kalonte naftë kontrabandë, arrestohen nga policia kufitare 38 vjeçari. Në Pikën e Kalimit Kufitar në Qafë Thanë, në hyrje të RSH-së, u kalua në vijë të dytë, për kontrolle të detajuara, kamioni me drejtues shtetasin E. Q, ku gjatë kontrollit në dy serbatorët e kamionit u konstatua një sasi e konsiderueshme karburanti.
“Në përfundim të veprimeve procedurale për këtë rast, specialistët për Hetimin e Krimeve të DVKM Korçë bënë arrestimin në flagrancë të shtetasit E. Q., 38 vjeç, banues në Elbasan, për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”. Gjithashtu u sekuestrua në cilësinë e provës materiale, sasia e naftës”, thuhet në njoftimin e policisë.
Materialet procedurale iu referuan Prokurorisë së Korçës, për veprime të mëtejshme.
