Presidenti i zgjedhur i SHBA, Donald Trump, i ka dërguar një mesazh administratës Biden që të mos përfshihet në krizën siriane.
“Mos u përfshini në Siri, nuk është beteja jonë”, thotë Donald Trump, në një postim në TruthSocial. “Siria është një rrëmujë, por nuk është miku ynë dhe Shtetet e Bashkuara nuk duhet të kenë asgjë me të”, tha ai.
Trump nuk ka ngurua të ngrejë aludime për politikën që Barack Obama kishte ndjekur në të kaluarën në Lindjen e Mesme, ndërsa theksoi gjithashtu se rusët, për shkak të përfshirjes së tyre në luftën e Ukrainës nuk janë më në gjendje të mbështesin presidentin sirian Bashar al-Assad.
“Luftëtarët e opozitës në Siri, në një lëvizje të paprecedentë, kanë pushtuar plotësisht disa qytete, në një sulm tejet të koordinuar dhe tani janë në periferi të Damaskut, me sa duket duke u përgatitur të bëjnë një lëvizje shumë të madhe drejt neutralizimit.
Rusia, aq e lidhur në Ukrainë, dhe me humbjen e mbi 600,000 trupave atje, duket e paaftë ta ndalojë këtë marshim të mirëfilltë drejt Sirisë, një vend që e ka mbrojtur prej vitesh. Pikërisht këtu ish-presidenti Obama refuzoi të nderonte angazhimin e tij për të mbrojtur VIJËN e KUQE NË RËRË dhe i gjithë ferri shpërtheu, me Rusinë që ndërhyri. Por tani, si ndoshta vetë Assad, ata po dëbohen me forcë dhe kjo mund të jetë në fakt gjëja më e mirë që mund t’u ndodhë atyre.
Nuk ka pasur kurrë shumë përfitime për Rusinë nga Siria, përveçse duke e bërë Obamën të dukej vërtet budalla. Sido që të jetë, Siria është një rrëmujë, por nuk është miku ynë, dhe SHTETET E BASHKUARA NUK DUHET TË KANË ASNJË TË BËNË ME TË. NUK ESHTE LUFTA JONA. LËRE TË EVOLUOJË. MOS U PËRFSHIRONI!”, ka shkruar Trump.
