Kryeministri Edi Rama në një konferencë për mediat këtë të enjte u ndal te situata në veri të Kosovës.
Rama tha se është tepër i shqetësuar për tontet ultimative të aleatëve ndërsa foli për rritje të numrit të trupave të KFOR-it në Kosovë nëse situata në veri nuk ç’tensionohet, gjë që sipas tij do të sillte uljen e kapacitetit sovran të Kosovës.
“Për tonet ultimative të aleatëve jam i shqetësuar, gjë që mund të sjellë pasoja të pallogaritshme në shumë aspekte, duke filluar nga pasoja e rritjes së numrit të trupave në Kosovë, që do të thotë ulje e kapacitetit sovran të Kosovës. Ose humbje e Kosovës në aspektin e humbjes së mundësisë për të integruar plotësisht veriun në jetën e vet institucionale, duke hapur rrugën që veriu të kalojë në kontrollin e të huajve që do të ishte një gjë e tmerrshme në aspektin e interesave tona. Për këto jam i shqetësuar dhe jo për ato proklamime të shqetësimeve që bëjnë të tjerët. Serbia e ka humbur Kosovën në vitin 1999 dhe Serbia nuk ka mundësi t’i prekë Serbisë asnjë fije floku”, tha Rama./Opinion.al
