Tension në protestën e opozitës. Një pjesë e protestuesëve që kanë rrethuar Kuvendin kanë tentuar të çajnë rrethimin e policisë. Mes policisë dhe protestuesve ka pasur përplasje, ndërsa situata vazhdon të jetë e tensionuar.
Nga ana tjetër Lulzim Basha iu ka kërkuar efektivëve të policisë që kishin rrethuar Kuvendin, të arrestojnë Edi Ramën. Përpara protestuesve kryedemokrati tha se nëse nuk e bëjnë ata do ta bëjë populli.
“Një thirrje të qartë policëve, ju qëndroni në mes hajdutëve dhe popullit të varfër. Bëni detyrën, hiqni kapelet dhe arrestoni hajdutët. Arrestoni siç e kërkoni ligji dhe rendi, bëni detyrën tuaj siç e kërkon Kushtetuta. Arrestojini përpara se t’i arrestojë populli. Kupa është mbushur, Edi Rama është shkaktari i varfërisë, nuk do të ketë as integrim, as paqe as stabilitet deri në largimin e klikës zaptuese që ka kapur vendin”, tha Basha./ Opinion.al
