Kryesore

Tenderi për Kajmakun, PD: Rasti më flagrant i plaçkitjes së buxhetit


               Publikuar në : 16:39 - 20/01/20 |
Opi Nion

Sekretari i Përgjithshëm i PD, Gazment Bardhi ka reaguar në lidhje me tenderin që Ministria e Brendshme i ka dhënë gruas së Agim Kajmakut, në një kohë kur ish- kryebashkiaku i Vorës kërkohet nga drejtësia.

Përmes një postimi në rrjetet sociale, Bardhi bën thirrje që tenderi kriminal të anulohet dhe akuzon Ramën që e mbron Kajmakun për të plaçkitur buxhetin e shtetit.

Konkretisht, ish-kryebashkiaku i Vorës akuzohet për “Shpërdorim detyre”, “Falsifikimi i formularëve” dhe “Ushtrimi i funksioneve pas dhënies fund të detyrës”.

Ministria e Brendshme më 30 dhjetor 2019 i dha tenderin me vlerë 50 milion lekësh kompanisë ‘Kajmaku SH.P.K.’, që administrohet nga gruaja e Agim Kajmakut, Merita Kajmaku për mirëmbajtjen e lulishteve në QSUT.

Reagimi i Bardhit

Agim Kajmaku është rasti më flagrant i plaçkitjes së buxhetit nën mbrojtjen e Edi Ramës.

Faktet janë të pakundërshtueshme:

  1. PD publikoi në Gusht 2019 dokumenta se Agim Kajmaku i Vorës rezulton i dënuar në Greqi, por Edi Rama e mbrojti.
    2. Denoncimi i Partisë Demokratike u faktua i vërtetë, por Edi Rama nuk e shkarkoi.
    3. Drejtësia kërkoi arrestimin, por Agim Kajmaku u lajmërua më parë dhe u lejua të arratiset.
    4. Agim Kajmaku u arratis në nëntor2019, por Edi Rama i dha në janar 2020 tender 57 milionë lekë.

Duke i dhënë miliona lekë një personi në arrati, që ai e emëroi kryebashkiak të Vorës dhe nuk guxoi ta shkarkonte, Edi Rama dëshmon, në mënyrë të përsëritur, se e vetmja gjë që di të bëjë është të palçkisë paratë e shqiptarëve me ca kriminelë, oligarkë dhe të korruptuar.

Ky tender kriminal duhet anulluar! Paratë e shqiptarëve nuk mund t’i marrë një i arratisur që e ka vendin në burg!/ Opinion.al

Pas