Në mënyrë të vazhdueshme Partia Demokratike ka akuzuar mënyrën e tenderimit dhe kostot e blerjes së pajisjeve mjekësore në situatën e krijuar gjatë pandemisë.
Një nga rastet ku shihet se si fituesi shpallet ofertuesi më i lartë është ai i prokurimit për blerjen e artikujve për masa mbrojtëse personale për përballimin e situatës së Covid-19”, zhvilluar më 28 Shtator 2020, me një fond limit prej 599,940,000 lekësh.
Sipas dokumentave, Komisioni i Vlerësimit të Ofertave i Ministrisë së Shëndetësisë (Autoritet kontraktor) ka kualifikuar në garë 5 kompani nga 12 të tilla pjesëmarrëse, si në listën më poshtë.
Por, 4 ditë më pas njëra prej kompanive, që në fakt paraqiste edhe ofertën më të lartë mes të kualifikuarve, përmes një ankimimi drejtuar Komisonit të Prokurimeve Publike, ka kërkuar shfuqizimin e vendimit të KVO-së, mbi kualifikimin e operatorëve të tjerë.
Këtë kërkesë, operatori “Intermed” e mbështet në disa ndryshime teknike të kryera në procedruën e prokurimit, ndërsa sipas produktet e disave prej kompanive të tjera nuk nuk përmbushin certifikatat e duhura.
Në këto kushte, Komisioni i Prokurimit Publik vendosi të pranojë ankesën e paraqitur nga operatori ekonomik “Intermed shpk” dhe të skualifikojë nga gara ofertuesit e tjerë edhe pse kanë paraqitur një ofertë më të ulët financiare për të njëjtin shërbim (119,365,500 lekë për këtë blerje ) duke i dhënë të drejtë kompaninsë që ofron 359,533,908 lekë (pra më shumë se dyfishi ) për të njëjtën blerje.
Sikurse shihet, nga ofertuesi më i ulët i shpallur fitues nga Ministria e Shëndetësise tek ofertuesi më i lartë i shpallur fitues nga KPP, diferenca është rreth 2 milionë euro më shumë. Për 2 milionë euro më shumë që do paguhen nga buxheti i shtetit sidomos në këtë kohe kaq delikate ku po kalon shëndetësia dhe ekonomia e vendit a nuk duhet bërë transparencë e plotë e këtij tenderi ?!
Cfarë certifikata kishte të vecanta kompania fituese? Ku ndryshon cilësia e materialeve anticovid që sjell Intermed nga firmat e tjera që u skualifikuan nga kjo garë? Të gjitha firmat e skualifikuara janë me më shumë se 10 vjet eksperiencë në tregetimin e materialeve mjekësore përkundrejt Intermed që është një distributor farmaceutik, që nuk ka tregtuar materiale mjekësore më parë.
Për këto 2 milionë euro që po paguhen me shumë, nevojitet nje hetim i menjëhershëm ku duhet të mbajë përgjegjësi Ministria e Shëndetësisë, nese ja ka dhënë më të lirit me cilësi të dobët të materialeve ose KPP qe ja jep më të shtrenjtit, thjesht dhe vetëm për të favorizuar një kompani./Opinion.al
