Në mbledhjen e dy qeverive Shqipëri-Kosovë, mbajtur ditën e sotme në Korçë, kryeministri Edi Rama ka replikuar me një gazetar nga Kosova në lidhje me marrëveshjet e mëparshme të nënshkruara nga dy qeveritë.
Gazetari i ka kujtuar kryeministrit shqiptar problematikën e patateve të Kosovës.
Sipas tij, dy qeveritë nënshkruan 12 marrëveshje, por ende nuk janë zbatuar ato që janë nënshkruar në të kaluarën.
Nga ana tjetër, kryeministri Rama i drejtua gazetarit të përmende vetëm një marrëveshje që nuk ishte zbatuar.
Gazetari i kujton shkëmbimin e mallrave, veçanërisht futjen e patateve të Kosovës.
Gazetari: Nënshkruat 12 marrëveshje po s’janë zbatuar ende ato që keni nënshkruar në të kaluaraën
Rama: Më thuaj një që s’është zbatuar
Gazetari: Po ja, shkëmbimi i mallrave, ka mjaft telashe tek patatet
Rama: Janë dy gjëra të ndryshme, nuk ka marrëveshje të pazbatuara. Telashet tek patatet janë të vjetra, janë më pak se dje por do punojmë t’i bëjmë zero
