Shoku i autorit të sulmit Salvador Ramos, 18-vjeçarit që kreu masakrën në Teksas të SHBA-ve ku vdiqën 21 persona, 19 prej tyre fëmijë, ka treguar se autori, i ka dërguar mesazhe me armë dhe municione të shumta disa ditë para sulmit.
Miku, i cili nuk donte të identifikohej me emër, tha se ishte disi i afërt me Ramos. Ai tha se 18-vjeçari i kishte çuar para katër ditësh foton e disa fishekëve. Kur ai e kishte pyetur Ramosin se për çfarë ishin fishekët, ai nuk kishte dhënë shpjegim.
Miku tha se Ramos ishte tallur nga të tjerët për rrobat që kishte veshur dhe gjendjen financiare të familjes së tij.
“Ai nuk do të donte të shkonte në shkollë … Ai mezi vinte në shkollë për shkak se e tallnin”, tha miku i autorit të masakrës.
