Të shtëna me armë zjarri janë shënuar në orët e para të mëngjesit të sotëm në Vaun e Dejës, gjatë një konflikti.
Uniformat bku bëjnë me dije se ngjarja ka ndodhur rreth orës 04:15, në fshatin Melgushë, ku gjatë një konflikti për motive të dobëta, dyshohet se është qëlluar me armë zjarri, në ajër.
Një 32-vjeçar, pjesëmarrës në sherr është shoqëruar në Komisariat dhe po kryhen veprimet procedurale.
”Rreth orës 04:15, në fshatin Melgushë, gjatë një konflikti për motive të dobëta, ndërmjet shtetasit J. M., 32 vjeç, banues në Melgushë dhe disa shtetasve të tjerë, dyshohet se është qëlluar me armë zjarri, në ajër.
Shtetasi J. M. është shoqëruar në Komisariat dhe po kryhen veprimet procedurale.
Grupi hetimor, në drejtimin e Prokurorisë, po punon për zbardhjen e rrethanave të konfliktit, identifikimin e shtetasit që ka qëlluar me armë zjarri dhe të shtetasve të tjerë të përfshirë në konflikt”, njofton policia.
