Të shtëna me armë zjarri janë raportuar paraditen e kësaj të diele në parkimin e një lokali në Thumanë.
Sipas njoftimit të policisë, bëhet me dije se pas një konflikti të çastit një person ka qëlluar në drejtim të një makine të parkuar në pronësi të shtetasi me iniciale K.M.
Autori i dyshuar pas ngjarjes është larguar me një automjet, i cili është i identifikuar nga ana e uniformave blu, por për arsye hetimi nuk jepen të dhëna të tjera.
“Me datë 27.04.2025, rreth 11:00, në Thumanë, në parkimin e një lokali, dyshohet se pas një konflikti të çastit, për motive të dobëta, është qëlluar me armë zjarri në drejtim të automjetit të parkuar në pronësi të shtetasit K. M. Nga të shtënat nuk ka persona të dëmtuar.
Autori i dyshuar pas ngjarjes është larguar me një automjet, i cili është i identifikuar nga ana jonë, por për arsyje hetimi nuk japim të dhëna të tjera”, thotë policia.
Materialet procedurale iu referuan Prokurorisë, për veprime të mëtejshme.
