Policia e Kurbinit ka identifikuar autorët e konfliktit me armë zjarri të ndodhur në orët e para të mëngjesit të sotëm në Mamurras ku mbeten të plagosur dy shtetas.
Mësohet së është vënë në pranga njëri prej autorëve dhe është shpallur në kërkim një tjetër .
Uniformat blu kanë informuar se është sekuestruar një armë zjarri pushkë me 20 fishekë në banesën e shtetasit A.D.
Rreth orës 01:45, në Mamurras pas një konflikti shtetasit A.D., dhe K.Ll., kanë qëlluar me armë zjarri në drejtim të automjetit tip ” Honday” duke lënë të plagosur shtetasit: A.S., 39 vjeç, banues në Durrës dhe G.D , 40 vjeç, banues në Fushë- Mamurras , të cilët janë transportuar në spitalin e Traumës Tiranë dhe ndodhën nën kujdesin mjekësor.
Policia ka shkuar në vendngjarje dhe ka bërë identifikimin e autorëve dhe ka arrestuar njërin prej tyre.
Ka rënë në pranga shtetasi A.D.,19 vjeç, banues në Mamurras, si dhe është shpallur në kërkim dhe vijojnë kontrollet për kapjen e shtetasit K.Ll., 50 vjeç, banues në Mamurras.
Gjatë kontrollit të banesës të ushtruar në banesën e autorit të arrestuar shtetasit A.D., shërbimet e Policisë gjetën dhe sekuestruan një armë zjarri pushkë, me krehër dhe 20 fishekë.
Grupi hetimor punon për sqarimin e plotë të shkakut dhe rrethanave të ngjarjes./Opinion.al
