Një plagosje me armë zjarri është shënuar mbrëmjen e sotme në qytetin e Korçës.
Sipas informacionit zyrtar nga policia mësohet se i plagosur ka mbetur një 33-vjeçar i identifikuar si Maresel Rusi. Bëhet me dije se i plagosuri është dërguar në ambientet e spitalit për të marrë ndihmën e parë mjekësore dhe aktualisht ndodhet jashtë rrezikut për jetën.
Rusi ka marrë një plumb në kofshë ndërsa mënyra se si është plagosur mundet që te jetë vetëplagosje, nga pakujdesia se si ka mbajtur armën.
Policia ndërkohë po punon për zbardhjen e mëtejshme të kësaj ngjarje.
Njoftimi i policisë:
Më datë 11.05.2021, rreth orës 22:40, në Spitalin e Korçës, ka shkuar për ndihmë mjekësore shtetasi M. R., rreth 33 vjeç, banues në Korçë, që në rrethana ende të paqarta, dyshohet të jetë dëmtuar në fundshpinë, si pasojë e përdorimit të armës së zjarrit, i cili aktualisht ndodhet jashtë rrezikut për jetën.
Nga të dhënat paraprake, dyshohet se shtetasi M. R., mund të jetë vetëplagosur.
Grupi hetimor nën drejtimin e Prokurorisë, po vijon punën për zbardhjen e plotë të rrethanave të ngjarjes.
