Disa dashuri nuk zhduken kurrë nga zemra e atyre që i kanë përjetuar. Dhe kjo histori e dëshmon më së miri. Thomas Norwood, 93-vjeçari amerikan e kishte njohur Joyce Morris, nga Britania e Madhe kur ishte parashutist në divizionin 101 Airbone, gjatë Luftës së Dytë Botërore.
Mes të rinjve kishte lindur një dashuri e madhe e destinuar për t’u ndërprerë në mes; Joyce ishte larguar nga Anglia për në Australi dhe për 70 vjet me radhë nuk patën më asnjë lajm nga njëri-tjetri. Në vitin 2015 u ‘ritakuan’ falë Skype. Thomas, i cili kishte mbetur i ve prej disa vitesh, donte të provonte nëse mund të rigjente Joyce.
Të njëjtën gjë kishte bërë edhe gruaja. Qe pikërisht vajza e saj, Ron e cila mundi të kontaktonte veteranin falë një artikulli të vjetër online të The Virginian-Pilot, që rrëfente historinë e një piloti të D-Day i cili ishte hedhur me parashutë për të festuar ditëlindjen e tij të 88-të. Duke u vënë në kontakt me gazetarin e artikullit, Rob kishte mundur të siguronte numri e Thomas. Gjatë bisedës në Skype, Joyce tashmë 88- vjeçare e kishte ftuar Thomasin në Australi, por ai kishte refuzuar duke i shpjeguar se me pensionin e tij modest nuk mund t’i përballonte shpenzimet e rrugës.
Në këtë pikë hyri në lojë rrjeti; përdoruesit e tij kanë mundur të mbledhin plot 7 mijë euro për të bërë të mundur udhëtimin e 93-vjeçarit në Australi, ku mund të përqafohej me dashurinë e tij të parë. Dhe jo vetëm kaq; kompania Air New Zeland u ka ofruar Thomasit dhe djalit të tij, Steve udhëtimin falas deri në Adelaide. Takimi, nuk kishte si të ndodhte ndryshe; është lënë për më 14 shkurt, ditën e Shën Valentinit.
