Teksa në Tiranë po festohet Dita e Verës, të rinjtë e Forumit Rinor të Partisë Demokratike dhe Lëvizjes Rinore për Integrim kanë zhvilluar marshime në Tiranë, ku kërkojnë largimin e kryeministrit Rama.
Ata kanë qenë të pajisur me maska kundra gaz, ndërsa në duar mbanin parulla ku shkruhej “Rama si Asadi”, duke iu referuar gazit lotsjellës të hedhur nga autoritetet në protestat e opozitës.
Të rinjtë e forumeve partiake kanë parakaluar në Bulevardin Dëshmorët e Kombit e më pas kanë qëndruar përballë Ministrisë së Brendshme, të cilën e akuzojnë si institucioni përgjegjës për përdorimin e substancave kimike në protestat e zhvilluara gjatë këtyre javëve./Opinion.al
