Ditën e sotme Gjykata Elbasanit la në burg 4 nga 7 drejtuesit e Partisë Demokratike në qarkun e Elbasanit të cilët u arrestuan pasi qëlluan eskortën e kryeministrit Rama me sende të forta, ndërsa tentuan që ti bllokojnë hyrjen në qytetin e Librazhdit.
Pas këtij vendimi Spaho u shpreh se të gjithë personat të cilët burgosen se protestojnë kundër qeverisë “Rama” do të cilësohen si të burgosur politik, ku do të marrin privilegjet të cilat parashikohen në ligj.
Por, pas kësaj kryeministri Edi Rama i është përgjigjur Spahos nga Pogradeci, duke i thënë se ata nuk janë të burgosur politik, por janë dënuar sipas asaj që parashikohet në ligj.
“Ata në Librazhd që sot morën dënimin me burg, nuk i nxori atje as babai as mamaja, as halli i familjes, por ata që vijojnë që të flenë në shtëpitë e tyre. Pashë profesorin tim të dashur, Spahon që thoshte janë të burgosur politikë. Ai shkoi i nxori në rrugë dhe vetë shkon në shtëpi, ndërsa ata jo, pasi i kapi neni i pengimit të zgjedhjeve 1-5 vite burg. Po a bëhet burg për profesor Spahon? Dhe ai thotë janë të burgosur politikë dhe kur të vijmë në pushtet do i shpërblejmë, këta kanë ikur të gjithë. E patë Neritan Cekën që kishte ikur, doli nga filxhani si xhind. Mirë u çmendën, por pse të gjithë bashkë?!” tha ai./ Opinion.al E.Xh.
