Koha kur keni lindur mund të ndikojë shumë në jetën tuaj, thuhet sipas hulumtuesve.
Përveç kohës me më shumë diell, pranvera ndikon shumë edhe në jetën e njerëzve. Hulumtime të ndryshme sugjerojnë se koha kur keni lindur mund të ndikojë shumë në personalitetin dhe shëndetin tuaj.
Më poshtë janë disa arsye pse të jesh një i lindur në pranverë është e veçantë:
Keni më pak rrezik të vuani nga çrregullimet mendore
Sipas një studimi më 2010 në minj, u gjet se ata që kishin lindur në dimër kishin më shumë gjasa që të zhvillonin çrregullime të shëndetit mental sesa ata të cilët kishin lindur në muaj më të ngrohtë, transmeton Gazeta Express.
Mund të jeni më optimist
Një sezon më i ndritshëm = pikëpamje më të ndritshme. Një studim i vitit 2014 i kryer nga disa hulumtues në Hungari, gjeti se njerëzit e lindur në pranverë kishin një karakter që i bënte ata të ishin më pozitivë. Hulumtimet sugjerojnë se optimizmi mund të përmirësojnë humorin tuaj dhe madje edhe sistemin imun.
Jeni më kreativ
Truri juaj kreativ ka lidhje me kohën kur keni lindur, thuhet sipas Comprehensive Psychology. Hulumtuesi Mark Hamilton nga Universiteti i Connecticut-it analizoi më shumë se 300 fytyra publike. Ai zbuloi se shumica e tyre kishin lindur në pranverë, arsyeja pse mund të kenë qenë ata më kreativ.
Keni më shumë gjasa që të bëheni udhëheqës
Një studim i kryer nga hulumtuesit në Universitetin Britanik të Kolumbisë në Kanada, gjeti se foshnjat e lindura në mars dhe prill kishin më shumë gjasa për t’u bërë udhëheqës kompanish sesa ata që kishin lindur në muajt e verës. /Express
